كود سبور//
صبح حضور الدولي المغربي سفيان بوفال لاعب الريان القطري، فالماتشات الجايين للمنتخب الوطني المغربي ضد ليبيريا وبوركينافاسو مشكوك فيه.
وتوعت سفيان بوفال فماتش الريان ونادي قطر ضمن منافسات البطولة القطرية لكرة القدم، وما قدرش يكمل الماتش وخرج.
فيديو|
لحظة إصابة المغربي سفيان بوفال لاعب الريان واستبداله بالمهاجم الشاب تميم منصور مفتاح
#الريان_قطر
#دوري_نجوم_إكسبو
#قنوات_الكاس pic.twitter.com/13HEVDqj0G
— قنوات الكاس (@alkasschannel) August 25, 2023
وحسب برنامج المجلس ديال قناة الكاس القطرية، فسفيان بوفال غيدير الفحوصات الطبية بالاشعة خلال الساعات المقبلة، لتحديد نوعية الاصابة ديالو وغالبا عندو اصابة فالفخظ حسب البرنامج.
للاشارة فالمنتخب المغربي غيلعب ضد ليبيريا يوم 9 شتنبر فأكادير برسم اقصائيات كاس افريقيا، ويوم 12 من نفس الشهر ضد بوركينافاسو ففرنسا، والثلاثاء الجاي غيعلن وليد الركراكي على لاليست اللاعبين ديال هاد الماتشات.
