رجع للمتحف من بعد 3 سنين.. البوليس حل لغز طابلو الفنان فنسنت فان غوخ لي تشفر أيام كورونا

وكالات//

لوحة الفنان الهولندي فنسنت فان غوخ رجعات للمتحف بعد ثلاث سنين على سرقتها من متحف “سينجر لارين”، في 30 مارس 2020.

البوليس قال بللي خبير هولندي ملقب بـ”إنديانا جونز الفنون” لقا طابلو ديال الفنان فنسنت فان غوخ لي كان تشفر من المتحف فاش تسد فيامات كورونا ف2020.

لقطات الفيديو لي نشرها البوليس من مورا الشفرة بينات شفار هرس الباب ديال الزاج فالمتحف لي قريب من أمستردام، وخدا طابلو وهرب بيه.

وفي أبريل 2021 شدو الشفار لي كان معروف بسمية “نيلز م.” وحكمات عليه المحكمة بالحبس 8 سنين، ولكن قال أن طابلو باعو ما عرفش فين وصل.

إقرأ الخبر من مصدره