كود سبور//
كيف العادة كيواصل المغرب تقديم الحلول للاتحاد الافريقي لكرة القدم والمنتخبات الافريقية، وهذه المرة غيعطي تيران لمنتخب كامبيا ونامبيا للسيدات باش يلعبو اقصائيات كاس افريقيا.
ومنحت الجامعة الملكية المغربية لكرة القدم تيران العبدي فالجديدة لمنتخب كامبيا للسيدات باش يلعب فيه مع ناميبيا، ضمن الجولة الاولى من اقصائيات كأس افريقيا للعيالات “المغرب 2024″، وهذا الشي ضمن الدعم اللي كيقدمو المغرب للشركاء ديالو الافارقة والمساهمة فتطوير كرة القدم الافريقية من خلال الجامعة برئاسة فوزي القجع.
ودائما ماركان المغرب منذ سنوات كيدعم المنتخب الافريقية والاتحادات المحلية ديالها اللي ما عندهاش امكانيات وملاعب، وكيحتضن الماتشات ديالها وكيوفر لها جميع الشروط والوسائل من بنية تحتية رياضية وفنادق باش تلعب مبارياتها فأحسن الظروف.