كود سبور//
كيواصل التحكيم المغربي خلق الجدل فكرة القدم المغربية وهذه المرة، كان بطل واقعة مثيرة فالقسم الوطني الثاني بين الاتحاد الاسلامي الوجدي والرسينك البيضاوي الويكاند الماضي.
وحسب فيديو نشرو الخبير التحكيمي محمد الموجه، الاتحاد الاسلامي الوجدي هدف على الرسينك البيضاوي بواسطة ابراهيم العمري، ورفض الحكم د الماتش يحسب الهدف، ولكن تدخل واحد المصور ودخل للتيران بالكاميرا ديالو وأكد للحكم انه بالفعل شد اللقطة كاملة ديال الهدف، وهو يوريها للحكم وبعدها الحكم حسب الهدف لصالح الاتحاد الاسلامي الوجدي.
وكيزيد يوضع هذا الحادث التحكيم المغربي والمسؤولين عليه فالاحراج، خصوصا وان الحكم استند على شي حاجة غريبة باش تأكد وحسب الهدف للفريق الوجدي.
https://fb.watch/n8hYDHaXqe/?mibextid=v7YzmG
Laisser un commentaire