من بعدما تبين انها كانت كتقول “عاش سيدنا”.. ليبيراسيون كتفسر وتبرر الكوڤر ديالها اللي بانت فيها سيدة كتكبي مع عبارة “المغرب: صوڤيونا راحنا كنموتو”: التصويرة ماشي ديالنا وبصح السيدة ماقالتش الهضرة اللي كتبنا.. حنا خديناها من اوديو داير فواتساب ولصقناها مع التصويرة حيت جاتنا قوية ومعبرة

اسماء غربي – كود//

مجلة ليبيراسيون الفرنسية دارت CheckNews للتصويرة والتصريح ديال السيدة اللي دارتها فصفحتها اللولة هادي ايام من بعد زلزال الحوز.

المقال ديال المجلة جا من بعد ما بزاف ديال وسائل الاعلام اتاهموها بتعمد التلاعب بتعليقات هاد المرا على صفحتها الأولى.

وخرج مقطع الفيديو الحقيقي للسيدة اللي تم نشر صورتها على الصفحة الأولى ف ليبراسيو، وبانت فالفيديو كتغوت  “Vive le Roi ” عاش الملك، عاش سيدنا، وماشي عبارة “أغيثونا، راحتا كنموتو في صمت” كما كتبات المجلة الفرنسية المذكورة.

هاد الانتقال  من “عاش الملك ” لـ صوڤيونا راحنا كنموتو في صمت”، فسراتو ليبيراسيون بان التصويرة ماشي من إنتاجها، هي صورة ديال مصور وكالة فرانس برس فاضل سينا.. وفيما يتعلق  بالاقتباس اللي بان فالعنوان حتى هو ماشي ديال السيدة، جبناه من مكالمة  تبارطاجات بزاف فواتساب.

للاشارة، المجلس الوطني للصحافة، فبيان ليه، وبعد رصده لمخالفات مرتكبة من قبل كل من جريدتي “شارلي إيبدو” و”ليبيراسيون” خلال تغطيتهما لأحداث الزلزال اللي ضرب المغرب يوم 08 شتمبر 2023، قام بتوجيه شكاية إلى مجلس أخلاقيات الصحافة والوساطة بفرنسا.

???? Nous avons la preuve que le journal Libération @libe a publié une #FakeNews, désinformant ses lecteurs.

La vidéo ci-dessus révèle la vérité derrière la photo de la une de Libération.

La femme, victime du tremblement de terre, crie en réalité “Vive le Roi, Vive le Roi”, et… https://t.co/7WmwUzFujS pic.twitter.com/zKdO7v4uMf

— ????????Maroc Defender (@Empirechrifien1) September 16, 2023

https://www.liberation.fr/checknews/seisme-au-maroc-libe-a-t-il-manipule-les-propos-dune-habitante-de-marrakech-20230919_DBEG2HE7DZBP7EUDHQWAWZRXKA/?utm_medium=Social&xtor=CS7-51-&utm_source=Twitter#Echobox=1695136646

إقرأ الخبر من مصدره