نايضة فالملاح ديال مراكش..”گود” كتنقل أنين الناس والحگرة لي كتمارس عليهم من طرف شي سلطات.. اكثر من 160 عائلة لا ماكلة لا شراب – فيديوهات

سامي العلوي – موفد گود إلى الحوز//

هاد السلطات بعض المرات كتكون نموذج بوحدو مكينش بحالو، وكتضرب مجهودات سيدنا وگاع للي واقفين فهاد المحنة ديال الزلزال لي ضرب منطقة الحوز .

“گود” كتنقل أنين الناس من منطقة الميعارة فملاح مراكش، اكثر من 160 اسرة تتعاني لا ماكلة لا شراب لا فراش لا غطا ،بحيت قال امرأ فاقدة البصر “ها نتما تتشوف شراوط لي عطونا الناس هوما لفرشين فالارض ” وتضيف ان هناك مساعدات جات او مشدنهاش بل ان الاكل قطعو علينا هذي 4 ايام ،انا باغي ندير عملية جراحية على الاعين ديالي معنديش باش نديرها انا معندي لا حباب لا خوت راني مليوحة هنا بعدما دمر الزلزال المنازل ديانا .

وتضيف هذا السيدة ،ان هذي اربعة ايام او الماكلة محبوسة علينا باش نمشوي من ملعب القرب لي صبح بحال شي مخيم تنعدم فيه ابسط شروط العيش ،مطالبة من السلطات ابسط الاشياء وهي السترة من البرد ، وخاص او جي يشوف فينا او دير معنا ما هو قانوني ويعطونا فين انتخباو ،راه كين لقوالب في المساعدات لي تتجي ،راه حنا جالسين مشردين فالشارع .

رجل آخر من داخل هذا المخيم قال ،ان المنتخبين ما فيهم التقة ،بحيت ان الملاح واكل العصا مطالبا بسحب التعويضات والسكن في منطقة اخر ،او ينصبون الخيام بحال لي نصبو فالجبل ،وان المنتخبين مشفناهش او مجاوش ،راه الناس تتعاني في صمت جراء المرض .

إقرأ الخبر من مصدره