كود الرباط//
قال أحمد توفيق، وزير الأوقاف والشؤون الإسلامية، اليوم الأربعاء، إن الرياح السلفية التي أتت من الشرق كلفتنا الكثير من الناس، مضيفا بأن “السلفية تحارب الأضرحة”.
وأضاف التوفيق، خلال مناقشة مشروع الميزانية الفرعية لوزارة الأوقاف، اليوم في لجنة الخارجية، “ملي كان عندنا الغزو السلفي المؤقت، كان كيحارب الأضرحة”، موضحا بلي “المغاربة طلعو بالأضرحة حيث لي كانو فيها عندهم صفات خدمة الناس وحراسة الأمن والعمل الاجتماعي”.
وقال التوفيق بلي “رجال التصوف الأولين هادو كينفعو ناس وتيكون قراب الله وكنترجو بركتهم وكيبنيو عليهم ناس الأضرحة.. ماشي عبادة ليهم”، مضيفا: “الأضرحة ليست للشرك ولا التدجين ولكن استحضرنا هاد المعنى. ناس كتجمع أمة على جندي مجهول ولا تكرم بنادم نظرا لصفاته العلمية والإنسانية والاجتماعية”.
وأوضح الوزير: “حنا كنفتخرو بلي عندنا 6600 ضريح. ممكن نصلحو للي ممكن نصلحوه”.
وتابع: “الرياح السلفية للي جاتنا من الشرق كلفتنا عدد ديال الناس. الوطنية المغربية في البداية عندها تأثر بالتضامن والاستقلال.. ولكن علال الفاسي رئيس السلفية الوطنية راه ف السبعينات كان كيدير محاضرات على التصوف السني السلوكي الجنيدي. عارف انه المغاربة فهموا فهم متطرف للمسألة بغا يدير توازن”.
وتابع: “التصوف فالمغرب تصوف اجتماعي.. وليس عرفاني. مولاي بوعزة بالنسبة لي حسن من شعراء مشهورين بحال جلال الدين الرومي. العلماء ديال فاس طلعو عندو عدة مرات لقاوه كياكل الورق ديال الدفلة”.
وشبه التوفيق مولاي بوعزة بمقام مولاي عبد القادر الجيلالي لي كان معروف، و”لكن بوعزة مكتب وممعروفش ولكن كان كيعرف غير يصلي بالفطرة. عندو تدين بالفطرة” وفق الوزير.
Laisser un commentaire