كود سبور//
عبر سفيان ديوب لاعب لانس الفرنسي، على الفرحة الكبيرة ديالو وديال عائلتو حيث جا للمنتخب الوطني المغربي.
وتحدث سفيان ديوب اللي دار مع المنتخب الوطني المغربي اليوم الاثنين اول حصة تدريبية فمركز محمد السادس لكرة القدم، وقال فتصريح للموقع الرسمي ديال الجامعة الملكية المغربية لكرة القدم: “شرف كبير ليا وفرحان وفخور بزاف نكون مع المنتخب الوطني المغرب”.
واكد سفيان دييوب اللي من أم مغربية وأب سنغالي وتزاد ففرنسا: “الانضمام ديالي للمنتخب المغربي كيعني ليا أشياء كثيرة، وعائلتي كلها فخورة حيث غنلعب مع المغرب”.
Laisser un commentaire