هناء ابو علي – كود ///
علمت “كود” ان اول فنان تشكيلي زيلاشي تلاقاتو الاميرة لالة سلمى ام ولي العهد الامير مولاي الحسن٬ نهار لثلاث اللي فات =27 شتنبر= كان محمد العنزاوي.
وفق مصادر ل”كود” فالاميرة كانت تتجول فازقة المدينة القديمة رفقة صديقاتها وطبعا حرسها٬ وتلاقات مع هاد الفنان اللي سبق وشرات لوحات من عندو ومن عند فنانين تشكيليين من هاد لمدينة.
بعد هاد اللقاء كملات دورتها فالمدينة الساحرة ودازت لبرج القريقية اللي منو خرج فيديو يؤثق لزيارتها ودازت لقصر الثقافة وتماك تلاقات مع فنان تشكيلي اخر
وحسب “ايلاف” فالاميرة تغدات عند مطعم “گارسيا” الشهير ديال الحوت. مطعم زارتو شخصيات عالمية.