وكالات //
اعتارفات الشركة المسؤولة على تنظيم الجولة الفنية ديال المغنية الميريكانية العالمية تايلور سويفت فالبرازيل بالخطأ ديالها والمسؤولية لي تسببات فالموت ديال وحدة من الجمهور.
الشركة، نشرات واحد البيان سناه الرئيس ديالها كيقول بأنه كان خاصنا نديرو احتياطات أخرى وكان خاصنا نتساهلو مع الجمهور لي تشكا من الصهد بزاف.
وفالحفلة الأولى ديالها في ريو ديجانيرو ماتت واحد البنت عندها غير 23 عام، وسط الجمهور.
المنظمين منعوا الجمهور يدخل معاه الما واخا الحرارة وصلات نهار الحفلة ل 60 درجة، وهو شي لي خلا بزاف منهم يكعا عليهم.
وكشفات نتائج التشريح أن البنت ماتت بعدما تعرضات لنزيف فالرية ديالها و3 ديال السكتات القلبية.
Laisser un commentaire