كود القنيطرة///
أول أمس الأربعاء عرف حي السلام فسوق الأربعاء الغرب جريمة قتل بشعة مشات ضحيتها مرا بعدما تعرضات للضرب والجرح بواسطة السلاح الأبيض على يد بائع مشروبات كحولية بلا رخصة.
وحسب ما أكدته مصادر محلية لـ”كود”، فإن الجاني كانوا شدوه البوليس في إطار الحملات الأمنية التي تقوم بها لمحاربة ظاهرة الاتجار في المشروبات الكحولية بلا رخصة، وذلك بعد فاجعة القصر الكبير اللي مات فيها 20 واحد بعدما شربو الما حيا مخلطة بلالكول.
المهم هاد الكراب، حسب مصادر “كود”، تم إطلاق سراحو بعد التحقيق معاه، وداك الساعة مشا هز جنوية وقتل بيها جارسو ظنا منه أنها هي اللي بيعات بيه للبوليس.