وكالات //
قال وزير الاتصالات الإسرائيلي أن تل أبيب توصلات لواحد الاتفاق مع الملياردير الميريكاني إيلون ماسك باش ميعاودش يطلق الإنترنيت للسكان ديال غزة إلا بالموافقة ديالها.
هادشي جا بعد واحد اللقاء جمع مول “تيسلا” مع الرئيس الإسرائيلي إسحاق هيرتزوغ، في تل أبيب بعدما استاجب للدعوة ديال إسرائيل، وتلاقا مع عدد من الأسرى لي طلقوهوم.
هادشي جا بعدما علن ماسك أنه غادي يطلق الإنترنيت لغزة من خلال ستار لينك بالتعاون مع المنظمات الدولية المعترف بها لي خدامة في غزة.
من جيهتو، قال الرئيس الإسرائيلي، أنه تفاهم مع ماسك باش يخدم ويحد من خطاب “معاداة السامية” في موقع “إكس” لي كان سميتو “تويتر” ولي شراه إيلون ماسك.
Laisser un commentaire