كود سبور//
عبر عادل رمزي مدرب الوداد الرياضي على عدم رضاه بمستوى ونتيجة الفريق فالماتش ضد الجيش الملكي اليوم الثلاثاء فقنيطرة، ضمن الدورة 10 من منافسات البطولة الاحترافية.
وتحدث عادل رمزي بعد خسارة الوداد مع ليفار بنتيجة 3 لواحد: “فالشوط الأول كنا لاعبين مزيان ومنظمين وماركينا هدف، والشوط الثاني تراجعنا للوراء والجيش الملكي استغلو الفرص اللي جاوهم حنا ماكناش فالدوزيام ميطا كيفما كنا فالأولى داكشي علاش خسرنا”.
وكمل عادل رمزي: “حنا خارجين من فينال السوبر ليك وخسرنا مع فريق متواضع فالشومبيونزليك وخسرنا اليوم، كنشوف حتى الكوطي مونطال عطاو الدراري فالشوط الاول والدوزيام ميطا ما بقاوش قادرين، وهادي فترة حساسة بزاف”.
وزاد عادل رمزي: “اليوم ما كناش نخسرو ولكن هادي هي الكورة، وديما كنقول إن هاد الكروب قادرين يديرو شيحاجة وبرهنو عليها، أنا ماراضيش على الماتش ولكن كاين فرق ما بين مستوى الفرق فكوب داراب وهذا الشي اللي وصلنا له دابا، ولكن راني ما راضيش على المباراة، حيث الماتش ما كيتلعبش فميطا واحدة”.
Laisser un commentaire