كود سبور//
ضارب الدولي المغربي عز الدين اوناحي مع صاحبو فأولمبيك مارسيليا الفرنسي الكول الإسباني باو لوبيز، ملي تعادلو فالماتش الماضي مع ستراسبورك ضمن منافسات البطولة الفرنسية، بنتيجة واحد لواحد.
واعترف الإسباني باو لوبيز خلال الندوة الصحافية اللي كتسبق ماتش اولمبيك مارسليا واياكس ضمن منافسات اليوروبا ليك وقال على عز الدين اوناحي: “طلبت منو المسامحة، ما كان الخصام ساهل عليه ومن الفوق يالاه راجع من الاصابة”.
وكمل كول اولمبيك مارسيليا: “اوناحي لاعب مختلف وواحد من احسن اللاعبين فالفريق ومحتاجين له، وهذاك الخصام كان ساعة غضب وصافي”.
Laisser un commentaire