فرنسا منعات الوزراء والمسؤولين ديالها يخدمو بواتساب وتيليغرام وعطاتهم مهلة باش يمسحوهم

وكالات//

قالت بزاف ديال المواقع الفرنسية، الأربعاء، أن الحكومة الفرنساوية قررات تمنع الوزراء والمسؤولين ديالها أنهم يستعملو واتساب وتيليغرام.

المصادر نفسها، كتقول أن كاع الوزارء خاصهم دابا يحيدوهم من تيليفوناتهم، حيت هاد التطبيقات مكتوافقش عليها الوكالة الوطنية لأمن نظم المعلومات (ANSSI)، وخاصهم يحيدوهم فأجل أقصاه نهار 8 في الشهر الجاي.

رئيسة الوزراء الفرانساوية، إليزابيث بورن، وقعات واحد المرسوم كتطالب بيه كاع الوزراء يحيدو واتساب وتلغرام وكاع التطبيقات لي مكتوافقش عليها الوكالة الوطنية لأمن نظم المعلومات.

في المقابل، كتطالب الرئيسة هاد المسؤولين يآنسطاليو واحد لابليكاسيون فرانساوية سميتها Olvid  حيت كتدير التشفير الكلي وكتحميهم، كيفما كيقولو.

إقرأ الخبر من مصدره