واخا دعمهم فورشة اطلس” راه كون ما دازوش ف”كان” موحالش يتسوق ليهم “مراكش”. لمغاربة محيحين فجوائز المهرجان. بعد النجمة الذهبية الازرق دا جائزة لجنة التحكيم

كود كازا ///

مهرجان مراكش الدولي للفيلم فدورتو العشرين حيحو فيه لمغاربة. تسنينا 20 عام باش ياحد المغرب النجمة الذهبية وجائرة لجنة التحكيم. هاد الشي تعلن عليه يامس السبت 2 دجنبر 2023 فقصر المؤتمرات بمراكش

بعد النجمة الذهبية =الجائزة الكبرى= اللي ربحاتها اسماء المدير عن فيلمها “كذب ابيض” تقاسم “عصابات” لكمال الازرق جائزة لجنة التحكيم مع الفلسطينية لينا سوالم عن فيلمها “باي باي طبريا”.

جوج مغاربة ما كناش نشوفوهم لا فداك البساط الاحمر. حتى يعرضو عليهم فمهرجان مراكش كفنانة ما يحلموش بيها كون ما شاركوش فالمسابقة الرسمية لمهرجان “كان” فقسم “نظرة ما” وهو القسم الاكثر اهمية بعد المسابقة الرسمية.

دابا باش يعتارف مهرجان مراكش بالمبدعين لمغاربة خاصهم يكونو دازو ف”كان” وربحو ثاني اهم جوائزو. اللي متناقض هو ان هاد السينمائيين شاركو فورشات الاطلس اللي كديرو مؤسسة مهرجان مراكش سبق لاسماء المدير وكمال الازرق استافدو من منح هادي سنوات. غير هو لعراضة والتكبيرة بحال كيكيديرو مع نكرات ما عندهم علاقة بالسينما٬ ما عمر هاد السينمائيين تعرضو

راه لفرانسيس كيضحكو علينا. كيقولو لينا راه حنا اللي كنوريكم مبدعي بلادكم٬ فمهرجان كيعتابروه ديالهم. متحكمين فيه ومعيقين بعجرفتهم وكبرياءهم.

إقرأ الخبر من مصدره