وكالات //
علنات السلطات المصرية الموت ديال الممثل المصري المشهور أشرف عبد الغفور فواحد الكسيدة خايبة وقعات ليه في الطريق ديال الإسكندرية.
ولقاو الممثل المصري المعروف لي عندو 81 ف العمر ديالو، وكان نقيب الممثلين المصريين شحال هادي، فالطوموبيل ديالو، لي كانت فيها حتى مراتو، لي هزوها للسبيطار ديال الشيخ زايد.
مراتو كيقولو فحالة مستقرة ولكن الممثل مات فالسبيطار بعدما تأثر بزاف بالإصابات لي تعرض ليها.
كانت آخر أعمال الممثل عبد الغفور هو مسلسل “رشيد” لي تعرض رمضان لي فات، وكانت عندو مسيرة حافلة شارك فيها ف 280 عمل فني.
الممثلين دابا المصريين كيعزيو بنتو الممثلة ريهام عبد الغفور لي خدات المشعل الفني من باها.
Laisser un commentaire