كود سبور//
أكد يحيى جبران لاعب الوداد الرياضي أن سعيد الناصيري رئيس النادي عندو دور مهم فحماية الفريق واللاعبين، وأنه كيتعامل معهم بحال ولادو وهذا الشي اللي غيخليهم يديرو أي حاجة على قبلو وقبل الفريق.
وتحدث كابيتان الوداد الرياضي يحيى جبران بعدما ربح الوداد الرياضي مولودية وجدة بنتيجة 3 لواحد، وقال: “الرئيس ديما معنا وديما كيشوفنا ولادو وخوتو وداكشي متبادل وحتى حنا أي حاجة غيحتاجنا نديروها على قبلو وقبل الفريق غنديروها وهذا هو الاسم ديال العائلة خاصو يحمينا وحتى حنا كنحميوه”.
ونجح سعيد الناصيري رئيس الوداد الرياضي فلم شمل الوداد الرياضي من جديد، بعدما تدخل باش يصفي الخواطر داخل الفريق وهذا الشي عطى الأكل ديالو وقدرو الواك يوقفو الخسران وربحو مولودية وجدة بنتيجة 3 لواحد فالبطولة.
Laisser un commentaire