وكالات //
وحنا كنقربو من الألعاب الأولمبية في باريس، الصيف الجاي، علن متحف اللوفر المشهور في العاصمة الفرنسية، أنه غادي يزيد من ثمن التيكي باش تدخل ليه.
على حساب ماقالت الصحافة الفرنسية، غادي تتزاد الثمن ديال لي تيكي بـ29 فالمية وهو شي لي قلق بزاف ديال الفرنسيين، بسباب ان الألعاب الأولمبية جايا والناس ما غيعجبهاش الحال.
فواحد البيان ديالو قال المتحف لي هو الأشهر ف العالم وأكبر واحد كيدخلو ليه الناس في العالم، حيت هو لي فيه الطابلو ديال الموناليزا، أن هاد الزيادة جات باش يغطيو التكاليف ديال الطاقة لي طالعة بزاف.
وقالو كذلك، أن هاد الزيادة الهدف ديالها هو يغطيو تكاليف الدخول فابور ديال المعلمين والصحافيين والدراري لي عندهم أقل من 18 عام.