كود هناء ابو علي ///
“العلاقات المغربية الاسبانية ما عمرها كانت مكثفة وبناءة بحال هاد اللحظات. هاد شعور متبادل بين الدولتين. كنتشاركو حدود برية وعندنا علاقات انسانية واقتصادية وثقافية” هاد الجملة قالها وزير الخارجية خوسي مانويل الباريس البارح لخميس 14 دجنبر 2023 فالندوة الصحافية بالرباط وكان حداه وزير خارجيتنا ناصر بوريطة.
المسؤول الاسباني هدر على حدود برية كيتشارك فيها الرباط ومدريد. اي انو تأكيد باللي سبتة ومليلية صبليونيتين. طبعا هاد الشي علاش ختار الباريس كل كلمة كلمة. عرف قيمتها ووجه بيها ميساجات واضحة.
الاعلام ديالهم انتاقد وزير خارجتيهم بسباب عدم التوصل لاتفاق مع المغرب بخصوص بدء العمل بنظام جمركي فسبتة ومليلية. اتفاق بحال هادا كيعني باللي مطالب المغرب باسترجاع هاد المدينتين غتولي من الماضي. اي ان بلادنا ما تبقاش تهدر على “المدينتين السليبتين” او المستعمرتين”.
ناصر بوريطة وزير الخارجية ديالنا كيف عادتو كيهدر فالوقت اللي خاصو يسكت وكيسكت فالوقت اللي خاصو يرد. ما جاوبش بديبلوماسية وذكاء الباريس. كان ممكن يسجل موقف. كان ممكن يسجل سابقة فهاد الملف. اختار يصرط لسانو كيف عادتو.
Laisser un commentaire