كود سبور//
عبر المنخرطون فاتحاد طنجة على الغضب ديالهم من الوضعية ديال الفريق اللي خسر جميع المباريات هذا الموسم فالبطولة، وانهزم البارح مع أولمبيك آسفي فالجولة 4.
المنخرطين الطنجاويين نفاجرو فوجه المكتب المسير ديال إتحاد طنجة برئاسة محمد ، والمدرب بادو الزاكي بعد الهزيمة مع آسفي وهي الخسارة الرابعة على التوالي للفريق فالبطولة وهو حاليا فالمركز الأخير بزيرو نقطة حيث خسر جميع ليماتش.
وناضو المنخرطين ديال طنجة دارو بلاغ وحملو فيه المسؤولية للمكتب المسير ديال الفريق فالهزائم ديالو والمسؤولية أيضا فالتعاقد مع المدرب بادو الزاكي.
كذلك أكد المنخرطون الطنحاوييون أن المكتب المسير مسؤول على انتذاب بعض اللاعبين اللي بينو الضعف ديالهم التقني والبدنية، كما استغرب المنخرطون من بادو الزاكي اللي حسبهم لاح الكرة فتيران المكتب المسير بخصوص المسؤول عن تعاقدات الفريق.
المنخرطين ديال إتحاد طنجة طالبوا المكتب المسير، بالإسراع فقعد جمع عام للكشف عن مجموعة التي ظلت مبهمة حسبهم.