آبل” غادي تطلق واحد التقنية ثورية ف الويفي.. انطيكَري فالتليفونات ديالها وماغاديش تحتاج لروتور

وكالات //

كتستاعد شركة “آبل” الميركانية باش تطلق واحد التكنولوجيا جديدة تقدر تدير ثورة جديدة ف عالم الويفي والإنترنيت ف التيليفونات.

على حساب ماقالت تقارير صحفية ميريكانية ف الشركة خدامة دابا على واحد البوس “شريحة” غادي تكون كاع التليفونات ديالها وغادي تخليها تخدم بالويفي أنطيكَري، يعني من الداخل، وماتحتاجش لشي روتور خارجي.

وكتتوقع التقارير أن هاد البوس غادي تبان في التيليفون ديال آيفون 17 لي غادي يخرج عام 2025.

وكانت وكالة “بلومبورغ” الميريكانية قالت ف وقت سابق أن “آبل” غادي تبين هاد التكنولوجيا ديالها الجديدة ابتداءا من عام 2025، وهو تطور جديد غادي يدير ثورة جديدة ف عالم التيليفونات والإنترنيت.

هاد الويفي الجديد لي غادي يكون فهاد لابوس غادي يكون سريع بزاف من الويفي العادي حينت كتقول التقديرات أنه غادي يوصل لـ40 ميغابايت ف الثانية.

إقرأ الخبر من مصدره