كود كازا ///
شركة “پاتي” العالمية للانتاج اولا ثم المالكة لمجمعات سينمائية ففرانسا٬ استثمرات فالمغرب. كان افتتاح مجمع سينمائي متعدد الشاشات ومن الجيل الجديد. استثمار كبير فمدينة بحال الدار البيضا وفحي بحال كاليفورنيا.
هاد الشي كان رسميا نهار لثلاث اللي فات. 8 القاعات فيها 120 كرسي. كاينة قاعة لكبار الشخصيات واخرى 4 دي اكس اللي عزيز عليه المغامرة وثالثة “ايماكس”.
تصورو مشروع بحال هادا كبير ومهم وتعطى مارشي العلاقات مع الصحافة لشركة ما عندها علاقة لا بالصحافة بلا ما نهدرو على الثقافة.
هاد الشركة صغيورة بزاف وما معروفاش وفيها شي وحدين مولفين بامور اخرى.
كيفاش هاد “پاتي” العالمية الاحترافية وصلات بيها الهواية لهاد المستوى فاحتقار هاد الجانب فالمغرب.
صحافيون وصحافيات مشاو وقفو علي هاد الهواية ديال هاد الشركة.
دابا مشروع كبير مهم بزاف لكازا بدا عرج بسباب هاديك الشركة اللي ما فهم حتى واحد علاش تاخد مارشي بحال هادا.
كاين فالمغرب شي شركات كتفهم شوية فالسينما ماشي بزاف وعلى الاقل كانو يجيبو هادي ماشي هاد الشركة المجهولة واللي خدامات فيها اللي ما عندو علاقة بهاد الدومين