كود سبور//
بدأ المكتب المديري اللي مخلي سعيد الناصيري فالوداد الرياضي كيتحمل المسؤولية فتسيير النادي وعلى راسو نائب الرئيس عبد المجيد البرناكي، وبدا هو والأعضاء اللي معاه كيسهرو على توفير كل صغيرة وكبيرة للفريق.
وقررو المسؤولين ديال الوداد الرياضي توفير رحلة جوية للفريق الأحمر استعدادا لمواجهة حسنية أكادير، وغيسافرو الواك لمدينة أكادير فالطيارة غدا الاثنين من مطار محمد الخامس فكازا إلى مطار أكادير باش يلعبو مع السوسيين ضمن مؤجل الدورة 11 من البطولة الاحترافية.
الأعضاء الحاليين فالمكتب المديري للوداد الرياضي بقيادة عبد المجيد البرناكي نائب الرئيس سعيد الناصري، خدامين وكيرتبو الوضع داخل النادي باش اللاعبين يبقاو مركزين على اللعب صافي، وراه كان أول اختبار لهم ماتش البارح ضد برشيد فالبطولة وربحوه بواحد لزيرو.
Laisser un commentaire