وكالات //
فاجعة إنسانية هزات مصر بعدما ماتو 3 ديال الناس من مدينة برج العرب كانو تلفو لمدة سيمانة في الصحرا، وهوما خارجين كيقلبو باش يصيدو الصقور ويعاودو فيهم البيع.
الضحايا بثلاثة هما أب وخوه وولدو، كانو موالفين يخرجو يصيدو في الصحرا، لكن هاد المرة تلفو الطريق، وبقا غاديين في اتجاه مجهول، سيمانة وهوما كيقلبو على طريق الرجوع ولكن بدون فائدة.
الأمن والأسر ديال الضحايا خرجو كيقلبو عليهم وتبعو الخطوات ديالهم فوق الرمل، ولقاو قبر ديال جوج الأشخاص والثالث لقاو الجثة ديالو.
الامن قال أن الطفل لي عندو 10 سنين مات هو الأول ودفنو باه ومن بعد 4 الكيلومترات مات العم ودفنو خوه، ومن بعد 7 كيلومتر مات الأب وبقات الجثة ديالو مليوحة.
الضحايا بثلاثة ماتو بالجوع ولعطش، بالإضافة للمجهود لكبير لي داروه في الطريق وهوما كيحاولو يوصلو لبر الأمان.
وجدوها خالية.. متطوعون يعثرون في صحراء مطروح على سيارة 3 شباب مفقودين في رحلة صيد منذ أكثر من أسبوع pic.twitter.com/1iAMtX2Gia
— الجزيرة مصر (@AJA_Egypt) October 2, 2022
شقيقان ونجل أحدهما.. وصول جثامين ضحايا رحلة الصيد المفقودين بصحراء مطروح لمدة أسبوع إلى مستشفى العلمين بعد العثور عليهم pic.twitter.com/qYUXnIJdwh
— الجزيرة مصر (@AJA_Egypt) October 2, 2022