كازا كود///
نفت ولاية أمن كازا تسجيل مصالحها المكلفة بالشرطة القضائية والأمن العمومي لأية شكاية أو تبليغ عن واقعة اعتداء جنسي خلال الحفل الموسيقي الذي تم تنظيمه مساء الجمعة المنصرم بمدينة الدار البيضاء.
الحفل الموسيقي كيهدرو فيه على اولى سهرات “البولفار” بملعب الراسينك فبوسيجور فكازا الجمعة اللي فاتت. كانت حفلة للراب المغربي وهجم فيها الجمهور اللي ما قدرش يدخل على البيبان اللي كانو مسدودين وترونات.
امن كازا قال ان ما نشر فحسابات وصفحات على وسائل التواصل الاجتماعي بخصوص تعرض فتاة للاغتصاب وتجريد خراينات من حوايجهم تبقى غير اشاعة. لحد الان لان المعنية بالامر تقدر ما تقدمش بشكاية ولبنات لخراينات يقدرو ما يبلغوش الامن كيف كيوقع فحالات كثيرة.
الامن قال باللي ما توصل حتى بشي شكاية لحد الان. كانت شهادات تنشرات فصفحات قالت باللي وقعات هاد الحالة. ادارة البولفار خرجات بيان اكدات فيه بللي “كتابع بجدية هاد المنشورات اللي هدرات على حالات اغتصاب يوم الجمعة 30 شتنبر” وباللي فريق المهرجان كيجمع معلومات بتنسيق مع السلطات المختصة
البوليس اعتمد على تسجيلات كاميرات مؤسسات استشفائية ومصالح الوقاية المدنية ولحد الان ما لقاوش شي فيديو فيه اعتداء جنسي واكد باللي غادي يشوف باقي التسجيلات
فهاد الروينة تشدو 20 شي كان ناشط وشي كان عندو جوانات وشي كانو كيشفرو. دابا علاش فحفل فني بحال البولفار غاديين يشدو واحد ناشط مع راسو. فين المشكل ايلى ما دار حتى شي فوضى.