كود سبور//
دازو ثنائي الوداد الرياضي هشام بوسفيان وزهير المترجي قدام اللجنة التأديبية ديال الوداد الرياضي، بخصوص داكشي اللي صدر منهم فالديربي الاربعاء الماضي ضمن البطولة الاحترافية.
وكشف مصدر ودادي لـ “گود” أن اللاعبين هشام بوسفيان وزهير المترجي، دازو قدام اللجنة التأديبية ديال الوداد الرياضي المنبثقة من المكتب المديري، وسمعت لهم اللجنة والرواية ديالهم بخصوص داكشي اللي دارو.
نفس المصدر، أكد انه وعكس المتداول مازال ما صدرت حتى شي عقوبة على اللاعبين من داكشي اللي كيروج، سوا على يوسفيان او على زهير المترجي، وأنه مازال أعضاء اللجنة كيداولو باش بتاخدو فحقهم القرار المناسب، ضمانا وصونا لحقوق الوداد.
Laisser un commentaire