فيديو كيخلع.. دود كحل عايش وكيزحف فمسران راجل شينوي

وكالات //

حطو أطباء شينوا واحد الفيديو كيبين اللحظة لي لقاو فيها دود كحل كبير ف المسران ديال واحد الراجل شينوي عندو 70 عام ف عمرو.

هاد السيد عندو واحد الورم سرطاني ف المسران وفين مشا يدير واحد العملية بسيطة باش يحيدو تفاجؤا الأطباء بداكشي لي لقوه ف كرشو.

فين دخل واحد الكاميرا صغيرة للمسران ديالو لقاو مجموعة ديال الدود الكحل والكبير فيه كيف كايبان ف الفيديو.

على حساب مقالو هادشي كيتعلق بواحد العدوى سميتها سينينسيس وكتضرب بزاف الناس لي كانين ف شرق آسيا وتسجلات حالات كثيرة في العالم.

كتقول شي دراسات ان كثر من 200 مليون واحد ف العالم فيه هاد الدود ويقدرو يعيشو مع الانسان حتى ل 30 عام وفبعض الحالات قليلة فين كتكون خطيرة على صحة البشر.

A 70-year-old man undergoing cholangioscopy to evaluate dilatation of the common bile duct was found to have flatworms in his biliary tract (shown in a video). Read the full clinical case: https://t.co/OK4X48EOne pic.twitter.com/lbSTv5jaqZ

— NEJM (@NEJM) December 30, 2023

إقرأ الخبر من مصدره