بسباب فيديو ديال حراگ مغربي لاح لاكارط ناسيونال فالبحر.. انتقادات فاسبانيا لنظام الحماية القانونية اللي كيستافدو منها القاصرين الحراگة

كود – كازا ///

انتشر ف الآونة الأخيرة على موقع التواصل الاجتماعي إكس – تويتر سابقا – فيديو لمهاجر مغربي على متن قارب تابع لهيئة الإنقاذ البحري الإسبانية، مع صحابو بعد ما تعتقو وسط البحر. هاذ المهاجر المغربي سجل فيديو كيلوح فيه لاكارط ناسيونال ديالو للبحر.

الجيست اللي دار هاذ الحراگ المغربي هو عبارة عن تكتيك متفق عليه بين جميع الحراگة اللي صغار ف السن، باش مني يوصلو لاسبانيا يصرحو أنهم قاصرين واخا يديرو ليهم الفحص الطبي وهاذ الشي يخليهم يستافدو من تدابير قانونية استثنائية كتحمي القاصرين.

الفيديو تسبب ف فتح نقاش كبير على السوشيال ميديا ف اسبانيا حول هاذ نظام الحماية القانونية اللي كيخلي بزاف ديال الحراگة يتحايلو ف التصريح بأعمارهم الحقيقية باش يستافدو منو..

Documentación al mar para ser tutelado con posterioridad en un centro ‘mena’, recogida por parte de Salvamento, traslado en autobús hasta el CATE de turno, foto de rigor para enviar a compatriotas y a disfrutar de los beneficios adheridos a una entrada ilegal en España. pic.twitter.com/HQ5wOoH4Lw

— Rubén Pulido (@rubnpulido) January 4, 2024

إقرأ الخبر من مصدره