ميريكاني حاول يخطف صاحبتو السابقة ويجيبها للمغرب وها آش لقاو البوليس ف الطوموبيلة ديالو

كود – كازا ///

قالت جريدة “ذا ديترويت نيوز”، أن البوليس ديال الولاية شدو، مؤخرا، شاب أمريكي كيبلغ من العمر 36 عام، سميتو جورج مانداراكاس، بسباب التورط ديالو ف محاولة اختطاف صاحبتو السابقة، اللي تفارق معاها ف أكتوبر الفايت.

وحسب الجريدة ذاتها، كان جورج مانداراكاس موجد باش يهرب صاحبتو السابقة بعد اختطافها إلى المغرب. وبعد الانفصال بدا كيضايق الضحية بزاف وديما كيطاردها، وف يوم عيد الميلاد، شدوه البوليس ولقاوه موجد لسيناريو الاختطاف ومعمر الطوموبيل بكمية كبيرة من العملات الأمريكية والكندية.

ووفقا للمعلومات الواردة، تم حجز بزاف ديال البورطابلات وجهاز تتبع مغناطيسي إضافي من نوع (Spytec GPS)، وخريطة للنطاقات الزمنية ومسافات للإبحار من فلوريدا إلى كوبا، وخريطة للإبحار من نيوجيرسي إلى المغرب، بالإضافة إلى الإمدادات اللازمة بحال الماء والماكلة والمضادات الحيوية.

إقرأ الخبر من مصدره