كود سبور//
عبر الدولي منير المحمدي على الفرحة ديالو حيث كاين مع المنتخب المغربي فكوب دافريك بالكوت ديفوار، وأكد أنه هو وصحابو فليكيب ناسيونال غيديرو أي حاجة باش يربحو الكأس ويجيبوه للمغرب ويفرحو المغاربة.
وتحدث منير المحمدي على هامش أول حصة تدريبية ديال المنتخب الوطني المغربي فالكوت ديفوار، وقال: “كلشي مزيان وهو هذاك، وأنا فرحان حيث كاين هنا، وكنوجدو باش نبداو مزيان كوب دافريك بأفضل طريقة وتحقيق هدفنا”.
وكمل الكول ديال المنتخب المغربي، وقال: “عارفين أن جمهورنا كيتسنا فينا وكنقولهم حنا غنديرو جهدنا كامل باش نربحو الكأس ونجيبوه للمغرب ونفرحو الجمهور ديالنا”.
Laisser un commentaire