تقرير: التطبيع بين المغرب وإسرائيل غايتجاوز تداعيات الحرب فغزة

اسماء غربي – كود//

تقرير جديد ديال “المركز العربي واشنطن دي سي” قال ان التطبيع بين الدول العربية وإسرائيل غادي يتجاوز تداعيات الحرب فغزة، حيث هاد الدول غادي تحمي اتفاقات أبراهام، مع مواصلة دعم القضية الفلسطينية.

وجا فالتقرير اللي باسم “التطبيع مستمر واخا حرب غزة”، أن هاد الدول، من بينها المغرب، غادي تواصل مواقفها الواضحة من القضية الفلسطينية، وغادي تناهض السياسة الإسرائيلية فقطاع غزة.

وبالنسبة للمغرب، قال التقرير ان الشارع فعلا خرج ضد إسرائيل وحربها فغزة، ولكن هادشي حيت بلادنا عندها بيئة سياسية منفتحة.

وذكر التقريز انه من غير المرجح باش تستاجب الحكومة المغربية للمطالب دبعض المغاربة بتعليق التطبيع مع إسرائيل، لأن بحال هاد القرار يمكن يخلي تل أبيب تلغي اعترافها بسيادة بلادنا على الصحرا، وغايكون عندو تأثير سلبي على علاقتنا بمريكان.

https://arabcenterdc.org/resource/normalization-survives-despite-the-gaza-war/

إقرأ الخبر من مصدره