ولد مارادونا خرج بتصريح خطير: بابا مات مقتول

وكالات //

بعدما دازت 3 سنين على الموت ديالو، خرج مارادونا جونيور، لي هو ولد الأسطورة الأرجنتينية أرماندو مارادونا بتصريح مثير جديد، كيقول فيه أن باباه “مات مقتول”.

هاد الهضرة جات بعدما خرجات بزاف ديال التقارير لي كتقول أن الفريق الطبي لي كان مقابل مارادونا ف ايامو الأخيرة، هملو بزاف فاللخر دحياتو.

في تصريحات نقلها الجورنال ديال “ماركا” الصبليوني قال ولد مارادونا إن “التحقيق مازال خدام، وأنا عندي الثقة فالعدالة ديال الأرجنتين”.

وزاد كيقول كذلك، “حنا متأكدين أن بابا مات مقتول، كان من الممكن أنه يكون باقي عايش، ولكن معرفناش شكون لي دارها”.

للإشارة، دابا القضاء ديال الأرجنتين كيحقق مع 8 ديال الأطباء والنيابة العامة كتقول إن مارادونا متلقاش العناية الطبية لي كان خاص يتلقاها، وخلاوه في النهاية يموت”.

إقرأ الخبر من مصدره