كود – وكالات//
قالت جريدة ” لوباريزيان” فعددها داليوم الخميس ان كيليان مبابي، نجم باريس سان جيرمان، خرج بتصريحات لاول مرة فمقابلة مع الصحفية إليز لوسيه ستُبث فبرنامج ‘Envoyé Spécial’ على قناة فرانس 2 مساء الخميس.
وأضافت أن مبابي المعروف بتحفظه الاعلامي خوا المزيودة هاد المرة وخرج بأسرار ناذرة، وفمقتطف من العرض اللي نتنشر فبداية شهر يناير على شبكات التواصل الاجتماعي، اعترف مبابي بأنه “فقد عفويته” واعترف بأنه مبقاش قادر يخرج من دارو ويشري الباݣيط ولا يحتفل مخبي…
وهدر ايضا مبابي على لقاءو مع بيليه فعام 2019، ورغبته فتكوين أسرة، والعنصرية “غير المقبولة” اللي كان ضحية ديالها، وهزيمة البلوز أمام الأرجنتين فنهائي كأس العالم.
كيفما أشار فهاد اللقاء للجمعية اللي كيتبرع ليها، جمعية بوندينويس بقيادة والدته فايزة، وناقش ايضا حلمو بالأولمبياد، وعلى شحال كيدخل دالفلوس، وقال انه كيضرب تقريبا100 مليون يورو سنويا، وانه كيستحق هاد الفلوس وماسرقهم من حد والعالم هكا غادي.
Laisser un commentaire