گود سبور//
اكد يحيى عطية الله لاعب المنتخب المغربي انه برا من الاصابة اللي كان كيعاني منها الايام اللي فاتت، وانه واجد باش يلعب الماتش الجاي ضد الكونگو الديمقراطية برسم الجولة الثانية من دور مجموعات كوب دافريك.
وتحدث يحيى عطية الله للموقع الرسمي للجامعة الملكية المغربية لكرة القدم، وقال: “من بعد الاصابة اللي تعرضت لها خدمت مع الطاقم الطبي، ودابا بريت وتدربت اليوم مع الكروب ومستعد للماتش الجاي، وباغيين نربحو باش نتأهلو للدور الثاني”.
وبخصوص يحيى الماتش الجاي ضد الكونگو، وضح عطية الله: “الماتش الجاي ضد الكونگو الديمقراطية مع 2 د النهار، وهذا الوقت فاليوم كتكون فيه الحرارة والرطوبة مرتافعين ولكن هذا الشي ماشي مانع خاصنا نتأضبطاو باش نكون فالمستوى ونربحو”.
وكمل عطية الله وقال: “حنا عارفين الجمهور المغربي كيتسنانا وكيشجعنا ديما وكيفما كيعرف كلشي بلادنا كتستحق هذا اللقب اللي باغيين نرجعو به إلى المغرب ونفرحو المغاربة كاملين”.
Laisser un commentaire