عاجل. الاتحاد الافريقي يوقف الركراكي 4 ماتشات جوج مع وقف التنفيد

كود سبور //

ضربة خايبة للاسود قبل ماتشهم اليوم الاخير عن المجموعة السادسة ضد زامبيا٬ فقد قرر الاتحاد الافريقي لكرة القدم ايقاف مدرب المنتخب المغربي لكرة القدم وليد الركراكي 4 مباريات 2 منهم موقوفة التنفيذ على اثر مضاربة وقعات بين المدافع الكونغولي مبيمبا ومدرب الاسود

وحسب قناة “الرياضية” فقد قررت الجامعة الملكية المغربية لكرة القدم استئناف هاد القرار.

الفيلم وقع بعد ما سالى ماتش المغرب والكونغو بواحد لواحد الاحد اللي فات. الركركي مشى بطريقة غريبة ما مفهوماش عند اللعاب. حقاش ما سوقوش يمشي عند اللعابة ولا يسلم عليهم.

الاتحاد الافريقي كان قال باللي غادي يفتح تحقيق ويصدر عقوبات قبل الماتش الاخير وهادا ما كان.

الركراكي خرج بتصريح ففرانسا. حقاش فهاد الدولة كمل المسلسل. اللعاب الكونغولي مبيمبا اللي كيلعب فمارسيليا مع اوناحي وحاريث٬ كان لمح ف”زون ميكس” باللي مدرب الاسود عايرو معيورة عنصرية. هاد الشي تفهم من جوابو باش قال “عندي الفيديو كامل اللي تقطع فالتلفزيون. ما غاديش نخرجو. خديت وقتي نشكر الله. غادي نبقى ساكت. الله ياخد الحق”.الركراكي خرج رد عليه ف”ليكيب” الفرنسية. قال باللي نيبتو خايبة باش لمح مبيمبا لمح لشي كلام عنصري قلتو ليه. واضاف مدرب الاسود باللي اللعاب الكونغولي “هضر عليا بطريقة خايبة انا و المساعد ديالي قبل نهاية المباراة وباللي المدرب ديالو عارف هادشي” واوضح “واخا هاكاك مشيت باش نسلم عليه غير هو ما بغاش وقال لي باللي انا متصنع وقال باللي قلت عليه غبي”
الركراكي اضاف ل”ليكيب” “ايلى كان مبيمبا كيهدر على الدين٬ اتمنى يكون صادق مع راسو ولا عندو شي حاجة يوريها لينا كاملين. متأكد ما قلت حتى شي كلمة عنصرية ضدو”

إقرأ الخبر من مصدره