وكالات //
علنات شركة “ميتا” الميريكانية العملاقة، اليوم الجمعة، أنها دارت تدابير جديدة كتقول أنها غادي تحمي بيها الشباب والمراهقين، خاصة من المحتوى لي كاين في إنستغرام.
هاد الإعلان جا بعدما تلقات الشركة انتقادات كبيرة من ميريكان وبزاف ديال الدول الأوروبية، ودول خرا دعاتها كاع بسباب المحتوى ديالها لي مكيحميش المراهقين والدراري الصغار.
الجديد فالاعلان، كتقول “ميتا” أن المراهق دابا ولا ضروري محتاج للموافقة ديال والديه باش يبدل شي باراميكرات فالكونط إنستغرام ديالو.
وقالت “ميتا” أنها بغات تحسن دابا من شروط ولوج الدراري الصغار والمراهقين لمحتويات ديالها، باش مايأترش علهم.
وكانت 41 ولاية ميريكانية رفعات دعوى على شركة ميتا لي عندها فيسبوك وانستغرام وواتساب وكتتاهمها بأنها كتعرض النفسية ديال الدراري الصغار لمشاكل.
Laisser un commentaire