الكونگو مازال مكبرين فيلم الأسود والفهود وداو قضية الركراكي ومبيمبا للطاس وطعنو فقرار الكاف

كود سبور//

غيمشيو اتحاد الكونگو الديمقراطية للمحكمة الرياضية الدولية، باش يطعنو فقرار الاتحاد الإفريقي لكرة القدم بإلغاء العقوبة على مدرب المنتخب المغربي وليد الركراكي اللي صدرت عليه بسبب حادث ماتش المنتخبين فدور مجموعات كوب دافريك.

وحسب اتحاد الكونگو الديقراطية، فالأخير قرر يمشي للمحكمة الرياضية الدولية ويطعن فقرار لجنة الاستئناف فالكاف، واللي كانت لغت حكم لجنة نفس الجهاز بتوقيف وليد الركراكي الناخب الوطني المغربي لمدة 4 الماتشات 2 منها سورسي، وغرامة 5000 دولار.

وكيدعيو الكونگوليين أن الناخب الوطني وليد الركراكي قال شي كلمات عنصرية للكابيتان ديالهم مبيمبا، وأنهم غيوقفو مع اللاعب ديالهم ويدافعو عليه حسب ما قالو فبلاغهم.

إقرأ الخبر من مصدره