وكالات //
عتاذر مارك زوكربوركَ لعدد كبير من العائلات وأولياء الأمور ف ميريكان بسباب الضرر لي دارو فيسبوك وإنستكَرام على ولادهم.
هادشي كان فواحد جلسة الاستماع دارها مجلس الشيوخ ف ميريكان جاب فيها زوكربرغ وعدد كبير من العائلات لي تضررو ولادهم من لي ريزو سويسو.
وقالو بزاف ديال العائلات ان ولادهم تعرضو للاستغلال الجسدي والجنسي بسبابا فيسبوك ولا إنستغرام.
وقالو وحدين خرين أن ولادهم نتاحرو بسبب المحتوى لي كاين فيهوم ولي ماكيراعيش لنفسيتهم.
وفين سولوه فالكونغرس واش غادي يعتاذر قاليهم مارك: “كنعتاذر ليكم على كلشي هادشي لي وقع”، وضاف “هادشي صعيب بزاف ومخاص حتى شي واحد يعيش هاد المحنة لي عشتوها نتوما”.