مقال فجورنال ميريكاني منوض روينة.. حاكم ولاية ميشيغان قال للي كتبو متعصب ومناهض للإسلام

وكالات//

واحد المقال نشرو الجورنال ديال “وول ستريت جورنال” الميريكاني نوض قربالة فولاية ميشيغان الميريكانية، خلا البوليس يعلن حالة استنفار عام فالولاية.

هاد المقال ديال الرأي نشرو واحد عندو مشكلة مع المسلمين، والعنوان ديالو كان هو “مرحبا بيكم ف مدينة الجهاد الإسلامي ديال ميريكان”، وكان كيهضر على واحد المدينة كينا ف الولاية لي معروفة أنها فيها المسلمين بزاف.

هاد المقال جا بسباب بزاف ديال المظاهرات لي نظموها ضد حرب إسرائيل على غزة.

بعد هاد المقال قرر البوليس ديال الولاية أنهم يعلنو حالة استنفار ويسيفطو عناصر الشرطة يحضيو كاع الجوامع ودور العبادة.

وحتى الحاكم ديال الولاية خرج بتصريح قاصح كيهاجم فيه مول المقال، وقال أنه متعصب ومعادي للإسلام.

إقرأ الخبر من مصدره