ها هما بداو فتاهيماجيت ديالهم.. مزارعين متعصبين فالصبيلون تعرضو لكاميو مشارجي بمئات الصنادق ديال مطيشة المغربية ولاحوها فالارض

كريم الصوفي – كود//

[email protected]

نشر موقع القناة الثالثة الإسبانية، فيديو ديال مزارعين فضواحي خيريز بإسبانيا تعرضو لكاميو مشارجي بمئات الصنادق ديال مطيشة المغربية ولاحوها ف الارض. هاد الأحداث طرات بالتزامن مع اليوم الثالث على التوالي من احتجاجات الفلاحين وصحاب الكسيبة ف اسبانيا.

وحسب التقرير الإخباري، تسببات هاد الاحتجاجات فاختناقات مرورية كبيرة على الطرق السريعة، مع تسجيل بزاف ديال الحوادث، ف الوقت اللي اتهمات الحكومة يمينيين متطرفين بالتسبب فتأجيج الأوضاع، كما أنه من المنتظر باش يبداو المهنيين ديال قطاع النقل حتا هما إضراب مفتوح من السبت 10 فبراير الحالي.

وكيطالبو الفلاحين الإسبان الاتحاد الأوروبي بتوفير ظروف “المنافسة غير العادلة” فـمواجهة الأسواق “غير خاضعة للتنظيم” اللي كتستورد من بلدان ثالثة “بسعر منخفض”، وتعليق التصديق على الاتفاقيات مع ميركوسور ونيوزيلندا والمفاوضات مع تشيلي وكينيا والمكسيك والهند وأستراليا، فضلا عن تشديد الرقابة على الواردات من المغرب.

https://amp.antena3.com/noticias/economia/video-agricultores-tira-suelo-tomates-marroquies-que-transportaba-camion-altura-jerez_2024020865c538b882085c000159d40e.html

إقرأ الخبر من مصدره