گود سبور//
خدات جنوب افريقيا المركز الثالث فكاس افريقيا “الكوت ديفوار 2023″، وهذا الشي بعدما ربحت منتخب الكونكو الديمقراطية فماتش الترتيب يوم السبت 10 فبراير 2024.
الوقت الأصلي والأشواط الإضافية بين جنوب إفريقيا والكونگو الديمقراطية سالاو بنتيجة التعادل السلبي زيرو لزيرو، ومشاو المنتخبان بجوج لعبو ضربات الترجيح اللي ربحوها الجنوب إفريقيين بنتيجة 6 مقابل 5.
للإشارة فجنوب افريقيا اللي ربحت المركز الثالث فكوب دافريك هي اللي قصات المنتخب المغربي من ثمن نهائي المسابقة بنتيجة 2 لزيرو، والكونگو الديمقراطية مولات المركز الرابع تعادلت فالجولة الثانية مع المغرب واحد لواحد، والمنتخبان بجوج اللي قدرو يحدو من قوة وليد الركراكي والأسود.
Laisser un commentaire