كود تطوان//
مصطفى الباكوري، رئيس مجلس تطوان المقرب جدا من رئيس مجلس النواب، وشقيق رئيس فريق الأحرار بمجلس المستشارين ” فركع” الرمانة ديال الوكالة الحضرية ديال الحمامة البيضاء خلال اجتماع مجلسها الاداري، وبحضور العامل ديال الاقليم، ومسؤول كبير في قطاع التعمير بوزارة فاطمة الزهراء المنصوري.
الباكوري، وهو مهندس معماري، دخل طول وعرض في جوج موظفين في الوكالة الحضرية ديال تطوان، واحد منهم عندو علاقة مشبوهة مع شي مسؤول كبير في وزارة الإسكان والتعمير وسياسة المدينة.
وراج في كواليس المجلس الاداري، أن موظفين معروفين بتطوان، طولو بزاف في مناصبهم، بستغلان الفراغ لي تتمر منو الوكالة لي ما عنداش مدير، وتايديرو لي بغاو في زمن الحوار الوطني حول الاسكان والتعمير.
واش الوزيرة غاديا تفتح شي تحقيق مع هاذ الجوج، ولا غاديا تلتزم الصمت، حتى تفاجأ بشي فضائح خطيرة في قطاع التعمير بتطوان.