گود سبور//
خرجو الجيش الملكي والرجاء الرياضي معادلين من الماتش اللي لعبوه اليوم الاحد فتيران قنيطرة، برسم الدورة 17 من البطولة الاحترافية لكرة القدم.
وسالا الماتش بين الجيش الملكي والرجاء الرياضي بنتيجة التعادل الإيجابي واحد لواحد، وكانوا الرجاويين هما الأولين اللي ماركاو فالماتش بهدف ديال العسكري حمزة إيكامان فالدقيقة 53، اللي ماركا على راسو، وجاب تونيسانگ التعادل للجيش الملكي فالدقيقة 77.
وبهذا التعادل خدا كل فريق نقطة واحدة من هذا الماتش، ورفعو رصيدهم لـ37 نقطة لكل واحد، بقاو بجوج فصدارة البطولة الاحترافية، مع افضلية النسبة الخاصة والعامة للجيش الملكي.