گود سبور//
متشبثين الأردن ببقاء الإطار الوطني الحسين عموتة، اللي حقق لهم إنجاز تاريخي بوصول المنتخب الأردني لأول مرة إلى نهائي كأس آسيا، وما باغييش يتفارقو معاه.
وبعدما كان الحسين عموتة تحدث بعد فينال آسيا على المستقبل ديالو، وأنه عندو ظروف عائلية فالمغرب تقدر تصعب البقاء ديالو فالأردن، خرج نائب الاتحاد الأردني لكرة القدم مروان جمعة وقال فتصريح لقناة “المملكة”: “العقد ديالنا مع عموتة واضح وإنشاء الله غنستمرو مع بعضنا والمسيرة تكمل وبالآخير حنا منظومة كاملة”.
وكمل: “الكابيتان عموتة كان الدور ديالو واضح وكبير وعندو اثر كبير على اللاعبين ولكن ما ننساوش أن عندنا مواهب عظيمة فهاد المنتخب اللي متكامل وبغينا نبنيو على هذا الإنجاز، وأنا كنائب رئيس الاتحاد الأردني علي ابن الحسين راه الخير كيأكد أننا خاصنا نبنيو على هذا الإنجاز ماشي نفرحو ونرجعو من بعد ننساو داكشي اللي درنا وهادي مسؤوليتنا كإتحاد ودابا دخلنا فمستوى ثاني فالكورة الأردنية”.
Laisser un commentaire