حكيمي واخا مشى لـPSG مازال كيبغي إنتر: انا مشجع لهم وباغيهم يربحو بطولة الطاليان

كود سبور//

ما نساش الدولي المغربي اشرف حكيمي العشرة مع انتر ميلان الطلياني والأيام اللي دورها فيه، وتمناه يربح بطولة الطاليان هذا العام.

ارشف حكيمي دار حوار مع قناة سكاي سبور الطاليانية، وقال وهو كيضحك: “نسيت شويا على الطاليانية ولكن كنحاول ندوي بها”.

وكمل النجم الحالي لـPSG: “مازال كنشجع إنتر، وانا من المحبين ديال الفريق وبزاف، كيبان ليا يقدرو يربحو بطولة الطاليان هذا الموسم وكنتمنى لهم موسم مزيان”.

إقرأ الخبر من مصدره