ها الموعد اللي كيناقشوه المغرب والكاف والفيفا لإقامة كأس إفريقيا ’’موروكو 2025‘‘ فالصيف

كود سبور//

من المنتظر يتلعب كأس أفريقيا 2025 فالمغرب فالصيف، واخا غيكون ملعوب كأس العالم للأندية 2025 فالمريكان، ولكن المغرب ومعه الكاف والفيفا قربو يلقاو تخريجة لهاد لبلان.

وحسب مصادر مطلعة، فالمغرب والكاف اقترحو على الاتحاد الدولي لكرة القدم، أن كأس إفريقيا للأمم “موروكو2025” فالصيف ديال 2025، وحتى يسالي كأس العالم للأندية “المريكان 2025”، اللي غيبدا يوم 15 يونيو وغيسالي يوم 13 يوليوز 2025.

المقترح ديال المغرب والكاف، كينص على أن كأس إفريقيا ’’موروكو2025‘‘ يكون فالصيف ما بين 21 يوليوز و23 غشت 2025، أي من بعد الموندياليتو، وكاين اهتمام من طرف الفيفا بالفكرة، والمقترح فيه أن الماتشات يتلعبو فالمساء ملي كيبرد الجو، مع العلم أن الطقس فالمغرب بحال الطقس فجنوب أوروبا، باستثناء شي مدن داخلية بحال فاس ومراكش واللي التيرانات ديالها غتكون مهيئة يتلعبو فيها الماتشات فأي وقت من العام، كيفما كان عليه الحال الصيف الماضي فكأس إفريقيا لأقل من 23 عام، واللي كان فالصيف ما بين طنجة والرباط وكانت النسخة ديالو ناجحة تنظيميا.

إقرأ الخبر من مصدره