فضيحة فالعاصمة.. شبهة تلاعبات فالسكن الوظيفي و”گود” جابت وثيقة تفويت رئيس المجلس الإقليمي السابق للرباط لمرا سكن وظيفي بـ1000 درهم فشهر فشارع واصل فيه الكراء لـ6000 درهم

كود الرباط///

فضيحة كبيرة بطلها سعيد بنبمارك زوج أسماء اغلالو عمدة الرباط، بحيث تسربت وثيقة تفيد بلي بنبمارك طاح فشبهة استغلال منصبو فاش كان رئيس المجلس الإقليمي فالولاية السابقة، وبالضبط فعام 2021 ودوز سكن وظيفي لمرا ماشي موظفة.

الغريب، أن بنبمارك الوحيد لي بقا كيدافع على بقاء العمدة في منصبها، رغم فقدانها للأغلبية ولجميع الحلفاء، وجد نفسه وسط شبهة استغلال المنصب لتفويت سكن وظيفي لسيدة ماشي موظفة حسب مصادر “گود”.

الوثيقة لي توفرت عليها “گود” تفيد بلي بنمبارك، بصفته رئيس المجلس الإقليمي، عطا شقة تابعة للسكن الوظيفي للصديقة ديالو باش تكريه بمقابل 1000 درهم فشارع الحسن الثاني، علما أن هاد الشارع الكراء فيه غالي وكيتجاوز 4000 درهم على الأقل لبارطما صغيرة ناهيك عن دار واسعا فكتوصل لكثر من 6000 درهم.

هاد الفضيحة رجعات الواجهة هاد الكوبل السياسي لي شاد التدبير  العمومي ومقادينش عليه، وسط تساءلات حول الثروة لي راكمو لسنوات، من عقارات داخل وخارج المغرب.

إقرأ الخبر من مصدره