إمام مقيم ففرنسا من اصل تونسي هاجم تواثب الجمهورية الفرنسية- فيديوهات

اسماء غربي – كود//

فوحدة من الخُطب ديالو هاجم إمام مسجد في فرنسا سميتو محجوب المحجوبي الراية الفرنسية المعروفة بثلاثة ألون كرمز على الاخوة والتعايش، وقال على ان هاد الراية فرعو لينا راسنا بها وهي رمز للشر وزاد وقال ان هاد الراية معندها حتى قيمة عند الله والقيمة الوحيدة ديالها هي انها رمز ديال الشيطان.

https://www.youtube.com/watch?v=vI-HoseHnNg

هاد الإمام معندوش الجنسبة الفرنسية وفقط يتمتع بأوراق الإقامة ف فرنسا، داكشي علاش جيرار دارغمننا وزير الداخلية دخل على الخط وطلب من القضاء الفرنسي يدخل ويسحب منو بطاقة الإقامة وخاص يتم الادانة ديالو وطرده إلى بلده تونس.

الطبقة المثقفة والإعلاميين والسياسيين شافو ان هاد الامر مخصوش يتسكت عليه وان هاد الخطاب المتشدد كيساهم ف التفرقة مبين الفرنسيين وكينشر الكراهية والحقد و ضد القيم ديال الجمهورية الخامسة

إقرأ الخبر من مصدره