حكيمي وعشيرو مبابي محيحين فليبواط ديال برشلونة.. واش غيمشي يلعب معه فإسبانيا ؟

كود سبور//

كشف الإعلام الأسباني ان الدولي المغربي اشرف حكيمي كان مع صاحبو الفرنسي كيليان مبابي، هاد اليومين فمدينة برشلونة الإسبانية، فالوقت اللي نشر حكيمي البارح صورة فأنستغرام وهو كيلعب تنس دو طابل مع شي واحد فالطيارة.

وحسب جريدة diario sport الإسبانية، فالفرنسي كيليان مبابي وأشرف حكيمي كانو بجوج محيحين فليبواط ديل مدينة برشلونة، قبل ما يرجعو لباريس باش اليوم يتدربو مع باريس سان جرمان.

KILIAN MBAPPÉ, cazado en Barcelona junto a Achraf Hakimi.

Viajó a París, tras dos días de fiesta en Barcelona. Hoy regresa al trabajo con el PSG.

Guardó silencio ante las preguntas de Sport. No respondió sobre si ha firmado ya un contrato con el Madrid.

????@DBR8 pic.twitter.com/t7Q8Yf0Dlh

— Diario SPORT (@sport) February 21, 2024

الجريدة الإسبانية كانو قاصدين بدرجة أولى كيليان مبابي ومتبعينو فين كيمشي، وسولوه واش بصح سنا مع ريال ولكن وحسب ما قالت بقى ساكت.

وكانت جريدة ماركا الإسبانية كشفت ان كيليان مبابي صافي سنا مع ريال مدريد الاسباني، والصفقة تحسمات وغيمشي له ابتداء من يوليوز الجاي، اما تقارير إعلامية اخرى بحال زون سبور، كشفت ان اشرف حكيمي ما بقاش باغي يبقى فباريس سان جرمان الفرنسي وان ريال مدير الاسباني ومان سيتي النگليزي متبعينو مزيان، ان الفريق الاسباني ملح ومستعد يسني مع ظهير ايمن ابتداء من 2025، مع العلم ان عقد حكيمي مع PSG فيه حتى 2026.

إقرأ الخبر من مصدره